Олдинги сайтимиз бекор қилинди. Ҳозирги сайтимиз Parstoday Uzbek
Thursday, 04 August 2016 11:44

Тошкентга ташриф буюрган Акиэ Абэни Татьяна Каримова кутиб олди

Тошкентга ташриф буюрган Акиэ Абэни Татьяна Каримова кутиб олди
3 август куни Ўзбекистонга Япония Бош вазири Шиндзо Абенинг рафиқаси Акиэ Абэ ҳамда япон маданият ва санъат намояндаларидан иборат делегация Ўзбекистонга ташриф буюрди, дея хабар берди Sputnik ахборот агентлиги.

Хабарда айтилишича, Тошкент халқаро аэропортида Япония Бош вазирининг рафиқаси Акиэ Абени Ўзбекистон президентининг рафиқаси Татяна Каримова кутиб олди.

Ўзбекистон билан Япония ўртасидаги муносабатлар Ўзбекистон президенти Ислом Каримовнинг 2002-йил июл ойида Японияга расмий ташрифи чоғида имзоланган Дўстлик, стратегик шериклик ва ҳамкорлик тўғрисидаги қўшма баёнот руҳида барқарор ривожланиб бормоқда. Ўзбекистон раҳбарининг 2011-йил феврал ойида Японияга ҳамда Япония Бош вазирининг 2015-йил октябрда Ўзбекистонга расмий ташрифлари ўзаро муносабатларни янги босқичга кўтарди.

"Японияда Ўзбекистон маданияти ва киноси кунлари ташкил этилиши, япон ижкорлари томонидан Ўзбекистонда ўтказилаётган халқаро анжуманлар, хусусан, “Шарқ тароналари” халқаро мусиқа фестивалида фаол қатнашиши, Токиода буюк шоир ва мутафаккир Алишер Навоийга ҳайкал ўрнатилгани, Тошкентда Япон боғи ташкил этилгани, Ўзбекистон Бадиий академияси ҳузуридаги халқаро маданият карвонсаройига япониялик олим ва мусаввир Икуо Хираяма номи берилгани икки халқнинг маданий яқинлиги ифодасидир", — деб таъкидланади хабарда.

Делегациянинг ташрифи давомида Иккинчи жаҳон уруши йилларида тақдир тақозоси билан Ўзбекистонга келиб қолган япон аскарлари дафн этилган хотира мажмуасини зиёрат қилиш, Ўзбекистон Амалий санъат музейи билан танишиш, Алишер Навоий номидаги Давлат академик катта театрида Япониянинг «Драм Тао» ижодий жамоасининг концерт дастури намойиш этилиши белгиланган.

Add comment


Security code
Refresh